[转贴]涯个阿咩(客家话随笔，献给天下所有的客家妇女）

啦杂博士

此文是原创作者幽壹发表在天涯论坛——客家联盟，幽壹为陆河客家人。

注：在梅县部分地区也有称母亲为阿咩的。

崖个阿咩(陆河客家话版)

    崖介阿咩，系一只好典型个客家妇女。相夫教子，管个管里，机硬系撑起了半边天。为了子女，为了屋卡，机劳碌了一世人，真系毛时有好闲，稳日都系做个做里介。

    从崖细细了开始去学堂读书起，机就朝朝爱早早项床来煮早朝奔崖吃。个下了，崖屋卡还好穷，所以机朝朝天盲光还爱去一条好远个细沥了（小溪）挑（KAI）几担水转屋卡来，以备一家人个一日之用。

    崖细细个阵了，崖咩一年四季还种好多好多个菜，使崖屋卡一年四季都青菜毛停，唔使落街去买。崖咩从细就对崖讲：做人爱靠自家，紧系靠别撒个话系毛得吃个。机按了讲，也系按了做个，真系讲按勤就有按勤。听村里个老人家讲，崖咩后生个时候，真系连老虎都打得死一条。

    晓讲喂识大体，再加上还晓煮一手好菜，且为人又勤不锡力，所以崖咩凿乡里头尾介人缘真系好好（此两字不同音读）。一般乡里头尾有哪红白喜事，都爱喊机去帮（Tian）手个。乡里头尾哪撒捞哪撒有了哪矛盾或凹嘴，也都合喊上机去主持公道，看重个就系机为人公正，帮理唔帮亲。

    岁月个风霜唔饶人，渐渐个，崖咩也一年比一年老喽。崖每次转去，都发觉机又老了好多。不过，机还系按勤，按爱做声势（事情），还系日日做到毛时闲。崖喊机今下年岁来了喽，唔好做按正经，唔使按帮柏（劳碌），机嘴头嗯任（答应着）：“好好好！”但一做起来，还系像以前按了毛好奔人赢。机稳日都系按了，紧系想做赢人来。“屋卡穷唔怕，做掷（才）赢人”里句话，机稳日都合挂在嘴边。

    里两日气温降得厉害，崖个日掷想打只电话转屋卡去，喊阿爸阿咩爱保重身体。盲知掷拿起电话，机就响了，一看原来系崖咩打来个。机喊崖里两日天变冷了，爱记得着加兜衫，唔好奔机冷到。崖听任听任，目汁都会来喽。崖忙喊机还有阿爸齐家都爱保重身体，年岁来了喽，该放个就爱放，唔好还认为自家系后生个阵了，哪西都唔惊。

    大大方方，唔扭扭拟拟，吃得做得。既勤劳又善良，唔惊天唔惊地，敢做敢为，相夫又教子，既出得厅堂，也入得厨房，里个就系像崖咩里按了个客家妇人个最好写照了。

      PS：谨以里篇文字送奔崖咩及捞崖咩一样个千千万万个普通而又伟大的客家妇女！本文按陆河客惯用口气写就，你能看懂几成呢？哈哈，，，

    备注：机=她（它）
    崖咩=我妈   按了=这样   屋卡=家里    里两日=这两天     毛=没有   奔=给   捞=和   别撒=别人  自家=自己  稳日=整天
齐家=大家   哪西=什么

   幽壹 于广州

2004年12月29日晨于广州

啦杂博士

我的母亲(普通话版)

    我的母亲，是一个十分典型的客家妇女。相夫教子，做这做那，她硬是撑起了半个家。为了儿女，为了家庭，她劳碌了一生，真是没有一刻有得空闲，整天都是忙这忙那的。

    从我小时候开始去学校上学起，她就天天要早早起来煮早饭给我吃。那时候，我家里还好穷，所以她日日天还没亮就要去一条很远的小溪里挑几担水回家来，以备一家人的一天之用。

    我小时候，我母亲还一年四季都种好多好多的菜，使我家里一年四季都青菜没停，不用上街去买。我母亲从小就教我说：做人要靠自己，总是靠别人是没得吃的。她这样讲，也是这样做的，真是说有多勤就有多勤了。听村里的老人说，我母亲年轻的时候，真是连老虎都打得死一条。

    能说会道又识大体，再加上还会烧一手好菜，且为人又勤力不斤斤计较，所以我母亲在村里村外的人缘真是很好。一般村里村外有什么红白喜事，都喜欢叫她去帮手。村里村外有谁跟谁有了什么矛盾或吵架了，也都喜欢叫她去主持公道，看重的就是她为人以正，帮理不帮亲。

    岁月的风霜不饶人，渐渐的，我母亲也一年比一年老了。我每次回去，都会发现她又老了许多。不过她还是这样的勤劳，这样的喜欢忙家务活，还是天天都没得空闲。我告诉她现在年岁来了，不要做得这么苦，不用这么劳碌，她嘴里边答应着：“好好好！”但一做起来，还是像从前那样不肯给人赢过自己。她总是这样，总是想做到比别人家好来。“家穷不要紧，做才能过得比别人好。”这句话，她整天都喜欢挂在嘴边。

    这几天气温下降得厉害，我那天刚想打个电话回家去，叫父母亲都要保重身体。谁知才拿起电话，它就响起来了，一看原来是我母亲打来的。她叫我这几天变冷了，要记得穿多几件衣服，不要冷到了。我听着听着，眼泪都快流出来了。我赶忙叫她跟父亲也要保重身体，年岁来了啦，该放的就要放，不要还认为自己是年轻的时候，什么都不怕。

    大大方方，不会扭扭捏捏，吃得苦会做活。既勤劳又善良，天不怕地不怕，敢作敢为；相夫又教子，既出得厅堂，也入得了厨房，这就是像我母亲这样的客家妇女的最好写照了。

    谨以此文献给我母亲及同我母亲一样的千千万万个普通而又伟大的客家妇女。

    幽壹  于广州

PS：为了方便一些不熟悉陆河客的老乡，还是翻译成国语版对照着看吧。与一般的先写成国语版再翻成客家话版不同，此文是先有客家话版，再翻成国语版。此文也证明了，先用客家话来写东西，也是完全可以的，哈哈，，，

啦杂博士

以下内容为啦杂博士译：

涯个阿嫲(梅县客家话版)

    注：在梅县对母亲的称呼因各地不同而有所区别，比较多的为：阿嫲、阿妈、阿咩。

    涯个阿嫲，系一只十分典型个客家妇女。相夫教子，管个管介，佢硬系撑起半只家。为了子女，为了屋卡，佢劳碌了一生人，真系一日到暗都冇闲，吾系做个就做介。

    从涯还细去学堂下读书开始，佢朝朝都爱早早项床来煮早朝奔涯吃。个下时，涯屋卡还恁穷，所以佢朝朝天盲光还爱去一条好远个细溪哾挑几担水转屋卡来，以备一家人一日之用。

    涯还细时，呀①嫲一年四季还种好多好多个菜，使涯屋卡一年四季都青菜唔缺，唔使上街去买。闲细呀嫲就对涯讲：做人爱靠自家，如系靠别人个话系毛得吃个。佢恁样讲，也就恁样做个，真系讲有恁勤就有恁勤。听村里个老人家讲，呀嫲闲后生个时候，真系连老虎都打得死一条。

    晓讲又晓处事，再加上还晓煮一手好菜，且为人又勤又肯做，所以呀嫲在村里头人缘真系十分好。一般村里头有脉个红白喜事，都爱喊佢去甸手（帮忙的意思）。村里头个人有脉个意见同矛盾，也都喊倒佢去主持公道，看重个就系佢为人公正，帮理唔帮亲。

    岁数唔饶人，渐渐个，呀嫲也一年比一年老了。涯每次转去，都发觉佢又老哾好多。不过，佢还系恁勤，恁爱管事，还系日日做到夜。涯喊佢今下岁数来了，唔好做恁多，唔使恁劳碌，佢嘴头就话（答应着）：“好好好！”但一做起来，还系像以前恁样唔输人。佢始终都系恁样，做脉个都爱做得比人好。“屋卡穷唔怕，做掷（才）赢人”个句话，佢总系挂在嘴边。

    这两日气温降得厉害，涯个日掷想打只电话转屋卡去，喊阿爸阿嫲爱保重身体。盲知掷起拿起电话，电话就响，一看原来系呀嫲打来个。佢喊涯这两日天变冷了，爱记得加衫，唔好受凉冻倒。涯听等听等，目汁都流出来。涯忙喊佢还有阿爸齐家都爱保重身体，年岁来了，该放个就爱放，唔好还认为自家系后生个阵哾，脉个都唔惊。

    大大方方，唔晓做模做样，吃得做得。既勤劳又善良，唔怕天唔怕地，敢做敢为，相夫又教子，既出得厅堂，也入得厨房，这个就系像呀嫲恁样个客家妇人个最好写照。

      PS：谨以这篇文字送奔呀嫲及同呀嫲恁样个千千万万个普通而又伟大的客家妇女！

备注：①呀：“我”的意思。在客家话里，我的母亲——一般叫“涯个阿嫲”，在说话中，则称为呀嫲，意为：我母亲。

啦杂博士

涯个哀李(兴宁客家话版)

    涯个哀李，系一只十分典型个客家妇女。相夫教子，管个管介，佢硬系撑起半只家。为了子女，为了屋卡，佢劳碌了一生人，真系冇脉有闲，每日吾系做个就做介。

    从涯还细去学堂下读书开始，佢朝朝站天光就项床来煮早朝奔涯吃。介下李，涯屋卡还好穷，所以佢朝朝天吴光还爱去一条好远个细沥哩挑几担水转屋卡来，以备一家人一日之用。

    涯还细时，涯哀李一年四季还种好多好多个菜，使涯屋卡一年四季都青菜唔缺，唔使上街去买。闲细涯哀李就对涯讲：做人爱靠自家，如系靠别人个话系冇得吃个。佢恁样讲，也就恁样做个，真系讲有恁勤就有恁勤。听村里个老人家讲，涯哀李闲后生个时候，真系连老虎都打得死一条。

    喂讲又喂处事，再加上还喂煮一手好菜，且为人又勤又肯做，所以涯哀李在村里头人缘真系十分好。一般村里头有脉个红白喜事，都爱喊佢去甸手（帮忙的意思）。村里头个人有脉个意见同矛盾，也都喊倒佢去主持公道，看重个就系佢为人公正，帮理唔帮亲。

    岁数唔饶人，渐渐个，涯哀李也一年比一年老了。涯每次转去，都发觉佢又老了好多。不过，佢还系恁勤，恁爱管事，还系日日做到夜。涯喊佢今下岁数来了，唔好做恁多，唔使恁劳碌，佢嘴头就话（答应着）：“好好好！”但一做起来，还系像以前恁样唔输奔人。佢始终都系恁样，做脉个都爱做得比人好。“屋卡穷唔怕，做掷（才）赢人”个句话，佢总系挂在嘴边。

    这两日气温降得厉害，涯个日掷想打只电话转屋卡去，喊阿爸哀李爱保重身体。盲知掷想拿起电话，电话就响，一看原来系哀李打来个。佢喊涯这两日天变冷了，爱记得加衫，唔好受凉冻倒。涯听等听等，目汁都流出来。涯忙喊佢还有阿爸齐家都爱保重身体，年岁来了，该放个就爱放，唔好还认为自家系后生个阵了，脉个都唔惊。

    大大方方，唔晓做样李，吃得做得。既勤劳又善良，唔怕天唔怕地，敢做敢为，相夫又教子，既出得厅堂，也入得厨房，这个就系像涯哀李恁样个客家妇人个最好写照了。

    PS：谨以这篇文字送奔涯哀李及同涯哀李恁样个千千万万个普通而又伟大的客家妇女！

    备注：哀李：兴宁客家话母亲的意思。

波古

看的明白。

天伯公

咩，用姆，按，用"咹", , 机，用“佢”， 别撒，用“别侪”。

三水

吴外差 意有意思

啦杂博士

天伯公 发表于 2012-7-21 14:14
咩，用姆，按，用"咹", , 机，用“佢”， 别撒，用“别侪”。

“崖个阿咩”是原作者幽壹所写，并说明他是陆河客家人，用的是陆河客家话。

水幽紫径

很强悍哦，你梅县客家话，兴宁客家话，陆河客家话通杀？

啦杂博士

水幽紫径 发表于 2012-7-21 16:02
很强悍哦，你梅县客家话，兴宁客家话，陆河客家话通杀？

陆河客家话是转贴，已在标题上注明。我是梅城长大的兴宁人，所以梅县话与兴宁话都D。