柬好芙蓉爱叶遮

无星无杠

柬好芙蓉爱叶遮  
客家山歌

来源：梅州日报

日头一出烈嗟嗟，爷娘丢公式净自家。

妹子好比苗竹笋，自出山门无叶遮。

妹子生得一枝花，恁好单身屈自家？

柬好芙蓉爱露水，柬好芙蓉爱叶遮。

妹系花瓶郎系花，柬好花瓶爱有花。

柬好花瓶无花插，唔当同郎共一家。

哥系天上一条龙，妹系地下花一丛。

龙唔翻身唔落雨，花唔雨淋开唔红。

单竹架桥单对单，单竹生在双人山。

单竹拿来削筷子，日后有双也唔难。

一树杨梅半树红，手摘杨梅送娇容。

哥送杨梅妹手接，两人有心讲到同。

（黎海泉 搜集）